“THE BALTIC COURSE”: “O’ZBEKISTON XALQI NAVRO’ZNI KENG NISHONLAYDI”

“Navro’z bayrami – insoniyat tarixidagi ko’hna bayramlardan biri. U bahorgi kun va tunning tengligi sifatida bayram qilinibgina qolmay, yangi yilning kirib kelishi, yangi hayotning boshlanishi ramzi ham hisoblanadi”. 

Latviyada chop etiladigan “The Baltic Course” (“Baltiya kursi”) jurnali sahifasida e’lon qilingan maqolada ana shunday fikrlar o’z ifodasini topgan.

Nashr mamlakatimizda keng nishonlanadigan Navro’z umumxalq ayyomi tafsilotlari bilan o’z o’quvchilarini atroflicha tanishtirar ekan, bu bayram 2009-yil 30-sentabr kuni YUNESKO tomonidan Insoniyatning nomoddiy madaniy merosi ro’yxatiga kiritilganini, 2010-yil fevralida esa BMT Bosh Assambleyasining 64-sessiyasi 21 martni  “Xalqaro Navro’z kuni”  sifatida nishonlash to’ғrisida qaror qabul qilganini alohida ta’kidlaydi.

“Mustaqillik qo’lga kiritilganidan so’ng Navro’z bayrami – 21-mart O’zbekistonda dam olish kuni, deb e’lon qilindi. Yaqinda O’zbekiston Prezidenti Islom Karimov Navro’z bayramiga baғishlangan tantanali marosimdagi so’zida Navro’z faslida turli nizo va adovatlar, gina va arazlar unutilib, odamlar, millat va elatlar o’rtasida mehr-oqibat, shafqat va muruvvat, hamjihatlik kabi insoniy tuyғular yanada kuchayishini qayd etdi. Shu bilan birga, O’zbekiston rahbari o’z mamlakati bugungi kunda xalqaro maydonda tobora avjiga chiqayotgan keskinlashuv, mojaro va qarama-qarshiliklarni, hali-beri davom etayotgan qon to’kishlarning oldini olish, paydo bo’layotgan muammolarni faqatgina tinchlik va siyosiy muzokaralar yo’li bilan hal qilinishi tarafdori ekanligini ta’kidladi”, deb yozadi “The Baltic Course” jurnali.

“Jahon” AA, Riga