“O’ZBEK AYOLLARI CHUQUR HURMAT VA TAHSINGA LOYIQDIR”

Ukrainaning “Outlook”  internet nashri sahifasida O’zbekistonda xotin-qizlarning jamiyatdagi o’rni va ahamiyati haqidagi maqola e’lon qilindi.

Unda o’zbek ayollarining ma’naviy yetukligi, oqilaligi hamda go’zalligi chuqur hurmat va tahsinga loyiq ekanligi o’z e’tirofini topgan. “Zamonaviy o’zbek ayoli oila bekasi bo’libgina qolmasdan, o’zining chuqur bilimi va yuksak salohiyati bilan Vatan ravnaqi yo’lida fidokorona mehnat qilmoqda, ijtimoiy va professional faoliyatida sezilarli muvaffaqiyatlarga qo’lga kiritmoqda”, deb yozadi nashr.

Shu bilan birga, “Outlook” O’zbekistonda xotin-qizlar vakillarining manfaatlari, huquq va erkinliklarining ishonchli himoyasi ta’minlanganligi hamda onalik va bolalikni himoya qilish va bu sohada qulay sharoitlar yaratilganligi haqida ham atroflicha to’xtalgan. “Siyosiy partiyalar, davlat hokimiyati va o’zini o’zi boshqarish tashkilotlari, nodavlat notijorat tashkilotlar faoliyatida ayollarning o’rni muhim ahamiyat kasb etadi. Bundan tashqari, yaqinda saylovlar bo’lib o’tgan O’zbekistonning ikki palatali parlamentida 41 ayolning faoliyat olib borayotganligi xorijlik ekspertlar va kuzatuvchilar tomonidan yuksak baholanmoqda”.

Xulosa o’rnida 2016-yilning “Sog’lom ona va bola yili”, deb e’lon qilinishi O’zbekistontda amalga oshirilayotgan keng ko’lamli ishlarning mantiqiy davomi sifatida dunyo hamjamiyati e’tirofiga sazovor bo’lgani alohida ta’kidlangan.

“Jahon” AA, Kiyev